Protesta e studentëve në Shqipëri sot shënon ditën e 12-të, ndërsa për këtë të shtunë, më 24 tetor, është paralajmëruar një tubim kombëtar në Tiranë.
Protestës së studentëve pritet t’i bashkohen edhe pedagogë, mjekë, artistë dhe përfaqësues të sindikatave.
Po ashtu, pjesëmarrja është paralajmëruar edhe nga studentët e rretheve.
Mobilizimi i sotëm ka për qëllim ta shndërrojë protestën në një demonstrim më të gjerë të pakënaqësisë qytetare.
Protestat e zhvilluara gjatë 11 ditëve të fundit në Shqipëri janë shoqëruar me përplasje të dhunshme mes protestuesve dhe policisë, duke lënë dhjetëra persona të lënduar dhe duke shkaktuar dëme materiale në institucione publike e biznese.
Gjatë përleshjeve janë përdorur gurë, mjete piroteknike dhe bomba molotov, ndërsa policia ka reaguar me gaz lotsjellës, topa uji dhe shkopinj gome.
Protestat nisën me kërkesat e studentëve për uljen e tarifave të studimit, përmirësimin e kushteve në universitete dhe konvikte, rritjen e mbështetjes financiare dhe më shumë mundësi punësimi pas diplomimit.
Megjithatë, më pas ato u zgjeruan në një lëvizje më të gjerë kundër korrupsionit dhe qeverisë së kryeministrit Edi Rama, me thirrje për dorëheqjen e tij, formimin e një qeverie teknike dhe mbajtjen e zgjedhjeve të parakohshme.
Të gjitha zhvillimet në 11-ditët e para të protestës mund t’i lexoni KËTU:
