Prokurorët kanë paraqitur çështjen e tyre kundër Russell Brand-it, i cili aktualisht gjykohet për akuzat për përdhunim dhe sulm seksual.
Aktori 51-vjeçar ka deklaruar se është i pafajshëm për tri akuza për përdhunim, tri akuza për sulm seksual dhe një akuzë për sulm të pahijshëm.
Sipas BBC-së, akuzat vijnë nga gjashtë gra dhe datojnë nga viti 1999 deri në 2009.
Brand mbërriti në gjykatë më herët, së bashku me gruan e tij, Laura.
Në një bisedë me gazetarët, ai shprehu se ndihej “i bekuar,” duke shtuar: “Sigurisht që ndihem i shqetësuar, por shpresoj që ky proces do të çojë në rezultate të mira për të gjithë, kjo është lutja ime.” Gjyqi pritet të zgjasë deri në gjashtë javë në Gjykatën e Kurorës Southwark, në Londrën Qendrore.
