Kuvendi i Kosovës sot zhvillon një seancë plenare, ku në rend dite janë disa pika të rëndësishme.
Seanca nis në orën 12:00 dhe përfshin miratimin e procesverbalit nga seanca e mëparshme, deklarimet jashtë rendit të ditës, si dhe propozimin e grupeve parlamentare për zëvendësimin dhe emërimin e deputetëve në komisionet parlamentare.
Një tjetër pikë e rëndësishme është miratimi i Fushëveprimit të komisioneve parlamentare për Legjislaturën XI.
Gjithashtu, do të zhvillohet shqyrtimi i parë i Projektligjit nr. 11/L-021 për Agjencinë e Menaxhimit të Emergjencave, Projektligjit nr. 11/L-019 për Regjistrimin e bujqësisë, dhe Projektligjit nr. 11/L-022 për Inspektoratin Qendror të Bujqësisë, Sigurisë Ushqimore, Veterinës dhe Pylltarisë.
