Terapia moderne moduluese “Trikafta” tani është në dispozicion për të gjithë pacientët me fibrozë cistike në Maqedoni që kanë një indikacion të përshtatshëm mjekësor.
Klinika për Sëmundjet e Fëmijëve në Shkup njoftoi se nga ky vit, 126 pacientë me fibrozë cistike, të moshës mbi dy vjeçare, që plotësojnë kriteret mjekësore, do të kenë mundësi të aksesojnë këtë terapi moderne. “Ky është një hap i rëndësishëm përpara në trajtimin e fibrozës cistike në vendin tonë”, theksojnë nga Klinika për Sëmundjet e Fëmijëve. “Trikafta” është një terapi e avancuar që përmirëson funksionin e proteinës CFTR, e cila është e dëmtuar dhe është shkaku kryesor i fibrozës cistike.
Studimet klinike kanë treguar se kjo terapi mund të sjellë përmirësime të dukshme në funksionin e mushkërive dhe në cilësinë e jetës për pacientët me karakteristika të përshtatshme gjenetike.
