Me pretendimet se Kosova është “territor përkohësisht i okupuar”, liderët e Listës Studentore në Serbi po e braktisin politikën dhe po e përfshijnë veten në një histori të rreme, si baroni i rrenave, Münchhausen.
Anekdotat për Münchhausenin janë argëtuese, por këto deklarata të politikanëve serbë rrezikojnë paqen dhe stabilitetin në rajon.
Qeveria e Kosovës duhet të bëjë më shumë për të informuar opinionin perëndimor mbi qëndrimete skandaloze të disa figurave të Listës Studentore, e cila fitoi zgjedhjet në Serbi.
Njëri prej tyre, profesori i kimisë Radomir Saiçiq, tha pak ditë para zgjedhjeve se “Kosova për ne është territor përkohësisht i okupuar”.
Kjo gjuhë është jashtëzakonisht e rrezikshme dhe në fund të fundit dëmton komunitetin serb në Kosovë, i cili duhet të integrohet brenda shtetit të Kosovës, duke gëzuar të drejtat e plota sipas standardeve ndërkombëtare.
Saiçiq ushqen iluzione të rrezikshme kur thotë se Kosova është “territor i okupuar”.
Si mund ta “çlirojë” ai atë territor?
Me këtë qasje, Radomir Saiçiq ngjan me baronin e rrenave Münchhausen, një figurë e njohur për historitë e tij fantastike.
Münchhausen lidhi kalin në majën e një kambanoreje të kishës dhe kalëroi mbi një gjyle topi, madje e nxori veten nga këneta duke tërhequr flokët e tij.
Anekdotat e tilla janë argëtuese, por ato që thotë Saiçiq rrezikojnë paqen dhe stabilitetin në rajon.
Saiçiq e quajti kufirin e Serbisë me Bosnjën “kufi fiktiv”, një deklaratë që nuk është fare pozitive për popullin boshnjak, i cili ka përjetuar agresionin serb në vitet ’90.
Dejan Shoshkiq, ish-guvernatori i Bankës Popullore të Serbisë, tha se “Kosova është pjesë e Serbisë”, duke mohuar agresionin serb ndaj katër pjesëve të Jugosllavisë.
Shoshkiq thekson se “njëra palë flet për agresion, ndërsa pala tjetër flet për shkëputje të armatosur”, duke sugjeruar se kjo situatë do të vazhdojë edhe për një kohë të gjatë.
Megjithatë, nuk ka qenë “njëfarë agresioni”, por një agresion brutal serbomadh.
Politikanët serbë duhet të pranojnë se Serbia nuk i ka dhënë rëndësi asnjë norme ndërkombëtare kur nisi shkatërrimin e Jugosllavisë.
Politikani kroat Bojan Ivosheviq tha se Ilija Sërdanoviq, bartësi i listës studentore, mori pjesë në luftërat e vitit ’90 si ushtar i ushtrisë agresore, dhe se kjo ndikon në mënyrën se si ai e sheh të kaluarën.
Nëse Sërdanoviq dëshiron raporte të mira me fqinjët, ai duhet të pranojë pjesëmarrjen e tij në luftëra të gabuara dhe të përballet me të kaluarën e tij.
Një gjest i mirë ishte deklarata e tij për gazetën Dnevni avaz, ku ai e akuzon Aleksandar Vuçiqin për keqkuptimet dhe aktivitete jodiplomatike.
Qeveria e Kosovës duhet të zhvillojë një strategji bashkëpunimi me Kroacinë për të demaskuar revizionizmin e historisë dhe të insistojë që Millan Radoiçiq të përballet me drejtësinë.
Programi i Listës Studentore për Kosovën është skandaloz dhe mund të përmblidhet në 6 pika që do t’i kishte zili edhe baroni Münchhausen.
