Një 31-vjeçar shqiptar është gjetur i pajetë në një pus rreth 10 metra të thellë në zonën e Felloniche, në komunën e Longiano-s, pranë Cesena-s në Itali.
Viktima është identifikuar si Denaldo Maxhallaku, i cili punonte si bojaxhi dhe kishte jetuar për rreth një vit në Gatteo.
Sipas raportimeve nga televizioni publik italian Rai News, një 29-vjeçar nga zona e Cesena-s është ndaluar nga autoritetet dhe ka pranuar se ka kryer vrasjen.
Hetuesit dyshojnë se ngjarja mund të lidhet me një borxh prej rreth 1.000 eurosh për drogë.
Trupi i shqiptarit u gjet mëngjesin e 28 tetorit, pas disa javësh kërkimesh intensive.
