Zëvendësministri i Punëve të Jashtme të Turqisë, H.
Ali Özel, gjatë qëndrimit të tij në Kosovë, ka vizituar vendin ku po ndërtohet Xhamia Qendrore e Prishtinës.
Lajmi është bërë i njohur nga Ministria e Punëve të Jashtme të Turqisë, e cila njofton se Özel është informuar nga përfaqësuesit e Bashkësisë Islame të Kosovës për ecurinë dhe detajet e këtij projekti të rëndësishëm.
Sipas njoftimit, Xhamia Qendrore e Prishtinës ka për qëllim të përmbushë nevojat fetare të komunitetit mysliman në tërë vendin.
Ky projekt parashikohet të jetë kompleksi më i madh i xhamisë në Ballkan, me kapacitet për të pranuar rreth 14 mijë besimtarë.
