Komuna e Schaerbeek në Bruksel do të mbajë një ekspozitë fotografike që i kushtohet historisë së emigracionit shqiptar në Schaerbeek dhe Belgjikë, në kuadër të 70-vjetorit të mbërritjes së refugjatëve të parë shqiptarë në këtë vend.
Në vitin 2026, do të përkujtohen plot 70 vjet nga ardhja e këtyre refugjatëve.
Schaerbeek ka një rëndësi të veçantë në këtë histori, pasi është shndërruar në një prej vendeve më emblematike të diasporës shqiptare në Bruksel.
Për të nderuar këtë përvjetor, Bashkia e Schaerbeek po organizon ekspozitën fotografike, e cila do të rikthejë në kujtesë historinë e emigracionit shqiptar në këtë zonë dhe në Belgjikë në tërësi.
