Gjykata Federale e Zvicrës ka refuzuar kërkesën për lirimin nga paraburgimi të një shtetasi të Kosovës, i cili është duke u hetuar për të shtënat me armë zjarri që ndodhën para një qendre fitnesi në kantonin e Aargaut.
Vendimi i Gjykatës Federale është marrë më 2026, ndërsa incidenti për të cilin po hetohet i dyshuari ndodhi më 26 prill 2025.
Sipas dosjes gjyqësore, i dyshuari dyshohet se drejtonte automjetin, ndërsa nipi i tij, i cili ndodhej në ulësen e pasagjerit, qëlloi disa herë në drejtim të një automjeti që transportonte dy vëllezër.
Njëri prej tyre pësoi plagë me armë zjarri në këmbë.
Pas të shtënave, dy të dyshuarit u larguan me automjet, por u arrestuan më vonë po atë ditë.
Hetimi lidhet me dyshimet për disa raste të tentativës së vrasjes, si dhe vepra të tjera penale.
Sipas autoriteteve zvicerane, ngjarja dyshohet se lidhet me një konflikt disavjeçar ndërmjet dy familjeve, gjatë të cilit kanë ndodhur edhe përplasje të tjera të dhunshme.
Gjykata vlerësoi se ekziston dyshim i fortë për përfshirjen e tij.
