Humanisti Halil Kastrati ka njoftuar se vlera e donacioneve të mbledhura dhe investuara nga shoqata “Jetimat e Ballkanit” arrin rreth 200 milionë euro.
Në emisionin Debat Plus, Kastrati theksoi se këto mjete janë dhuruar nga shqiptarët dhe janë përdorur për të mbështetur familjet në nevojë.
Ai përmendi ndërtimin e më shumë se 2 mijë shtëpive për familjet që kanë nevojë, si dhe projekte të tjera humanitare që, sipas tij, po zgjerojnë veprimtaritë e tyre në qytete të ndryshme të Kosovës. “Afërsisht 200 milionë euro janë investuar.
Janë dhuruar nga shqiptarët për shqiptarët.
Janë ndërtuar mbi 2 mijë shtëpi për familje nevojtare.
Pastaj, mos të harrojmë projektet e mëdha që po shtrihen në të gjitha qytetet e Kosovës,” tha Kastrati.
