Autoritetet e Kosovës kanë ndaluar importin e produkteve nga një qumështore në Maqedoninë e Veriut, pasi në disa dërgesa është gjetur prania e bakterit Escherichia coli (E. coli).
Pas këtij vendimi, Agjencia e Ushqimit dhe Veterinarisë (AUV) në Maqedoninë e Veriut ka njoftuar për një kontroll të jashtëzakonshëm inspektues në qumështoren e përmendur.
Sipas AUV-së, ndalesa është vendosur në fillim të nëntorit, por ky institucion pretendon se nuk ka marrë ndonjë njoftim zyrtar nga autoritetet kosovare.
Aktualisht, nuk dihet emri i qumështores, cilat produkte janë të prekura dhe nëse të njëjtat seri janë shitur edhe në tregun vendor.
