Trajneri i Manchester Cityt, Enzo Maresca, ka lavdëruar futbollistët e tij për mënyrën se si e kanë përballuar presionin e krijuar nga akuzat financiare ndaj klubit, pas fitores bindëse 3-0 ndaj Liverpoolit në “Anfield”.
Maresca thekson se skuadra e tij duhet të mësojë të përballet me kritikat e jashtme, duke lejuar që paraqitjet në fushë të flasin vetë. “Kjo ndeshje nuk ishte e lehtë për lojtarët pas situatës së dy-tre javëve të fundit, por mendoj se ata e përballuan situatën shumë mirë.” Ai vazhdon: “Duhet të mësojmë se si të përballemi me zhurmën nga jashtë, sepse ajo do të jetë gjithmonë e pranishme.
Por, në të njëjtën kohë, duhet të përpiqemi ta bëjmë zhurmën tonë, që do të thotë të fitojmë ndeshje, ashtu siç bëmë sot.” Në fund, ai shprehu kënaqësinë për tifozët: “Tifozët tanë po këndonin në fund të ndeshjes, kështu që zhurma vinte nga ne dhe jo nga ambienti përreth.”
