Ministrja e Drejtësisë, Donika Gërvalla, ka reaguar lidhur me ngjarjen tragjike në fshatin Demiraj të Gjilanit, ku humbën jetën dy persona.
Përmes një postimi në Facebook, Gërvalla e ka cilësuar këtë ngjarje si tronditëse, duke theksuar se siguria brenda familjes është e domosdoshme dhe se kërkohet një reagim institucional. “Familja duhet të jetë streha më e sigurt e njeriut, vendi ku mbizotërojnë dashuria, harmonia, kujdesi dhe mbrojtja. Çdo ngjarje që e cenon këtë siguri kërkon vëmendje dhe reagim të menjëhershëm institucional”, ka shkruar ajo.
Ajo gjithashtu ka kërkuar që rrethanat e këtij rasti të hetohen plotësisht dhe pa vonesa, me qëllim që e vërteta të dalë në sipërfaqe dhe institucionet përgjegjëse të ndërmarrin veprimet e nevojshme ligjore.
