Aktualisht, nuk ka raste të reja me fruth, por autoritetet janë duke mbajtur nën vëzhgim gjendjen shëndetësore të të gjithë atyre që kanë pasur kontakt me të infektuarit.
Instituti i Shëndetit Publik dhe Qendra për Shëndet Publik kanë informuar të gjitha palët e interesuara për vendndodhjen e të infektuarve, përfshirë familjet e tyre, kopshtin dhe spitalin.
Deri më tani, tre fëmijë të vegjël, një burrë 45-vjeçar dhe një person tjetër nga Kosova janë diagnostikuar me fruth.
Ky virus përhapet shumë lehtë, dhe një ekspozim i shkurtër në një dhomë të mbyllur mund të çojë në infeksion.
Mjafton që një person i infektuar të jetë në një korridor apo sallë pritjeje për të shkaktuar shumë raste të reja.
Për këtë arsye, Ministria e Shëndetësisë ka lëshuar rekomandime për mjekët familjarë se si të veprojnë në situatat kur ka raste me fruth në territorin e Maqedonisë.
Gjithashtu, është përcaktuar se në cilin institucion shëndetësor do të trajtohen fëmijët me fruth nëse ata kanë nevojë për shtrim në spital.
