Policia e Kosovës ka kërkuar ndihmën e qytetarëve për të identifikuar dhe lokalizuar një individ të dyshuar për shpërdorimin e pasurisë së huaj në Ferizaj.
Sipas njoftimit të Policisë, dyshimi për këtë rast ka lindur më 1 tetor 2026, në një lokal që ndodhet në rrugën “Ahmet Kaçiku” në Ferizaj.
Njësiti i Hetimeve i Stacionit Policor në Ferizaj, me miratimin e Prokurorisë Themelore të Ferizajt, ka publikuar fotografinë e personit të dyshuar, i cili ende nuk është identifikuar.
Policia i bën thirrje të gjithë qytetarëve që kanë informacione rreth identitetit ose vendndodhjes së këtij personi të dyshuar, t’i ndajnë ato me organet kompetente. Çdo informacion që mund të ndihmojë në identifikimin e tij dhe zbardhjen e rastit është shumë i rëndësishëm.
