Policia e Kosovës ka realizuar një operacion të suksesshëm në Zubin Potok, ku ka sekuestruar armë dhe municion në dy raste të ndara.
Sipas raportit të policisë, rasti i parë ka ndodhur më 31 tetor, rreth orës 14:50, gjatë kontrollit të një hambari të një personi të dyshuar.
Gjatë këtij kontrolli, janë gjetur dhe sekuestruar tri pushkë gjuetie, një armë e gjatë automatike, një pistoletë, një rrip me 33 fishekë, si dhe disa pjesë shtesë të armëve.
Në rastin e dytë, gjithashtu i regjistruar më 31 tetor, rreth orës 17:00, gjatë kontrolleve në një hambar tjetër janë gjetur dhe sekuestruar shtatë fishekë.
Këto veprime janë pjesë e përpjekjeve të vazhdueshme të policisë për të garantuar sigurinë në rajon.
