Potenciali Ekonomik i Kosovës: Kompanitë Polake Shprehin Interes për Bashkëpunim të Ri

Kompani polake që morën pjesë në Forumin Ekonomik në Prishtinë janë befasuar pozitivisht nga potenciali ekonomik i Kosovës dhe kanë shprehur dëshirën për t’u rikthyer.

Kështu ka deklaruar ambasadori i Kosovës në Poloni, Drilon Gashi, në një intervistë për Radio Kosovën, ku ai ka theksuar mundësitë për zgjerimin e bashkëpunimit ekonomik ndërmjet dy vendeve.

Gashi njoftoi se përfaqësuesit e bizneseve polake vlerësuan se vizita në Kosovë ka tejkaluar dukshëm pritjet e tyre.

Ai theksoi se Polonia është partneri i katërt më i madh tregtar i Kosovës në Bashkimin Evropian dhe se synimi është që shkëmbimet ekzistuese ekonomike të zhvillohen më tej, duke konkretizuar partneritete dhe investime të reja.

Forumi Ekonomik ishte fokusuar në digjitalizimin dhe ekonominë digjitale, teknologjitë e mbrojtjes dhe sigurinë kibernetike, si dhe infrastrukturën, energjinë dhe prodhimin e teknologjive të avancuara.

Ambasadori Gashi gjithashtu diskutoi për mundësitë e bizneseve kosovare në tregun polak dhe për rëndësinë e shkëmbimeve kulturore e artistike ndërmjet dy vendeve.

Leave a Reply

Your email address will not be published. Required fields are marked *