Pas rreth pesë orësh, protesta e organizuar nga studentët në Tiranë përfundoi sot, e cila tërhoqi edhe qytetarë të tjerë që kërkonin dorëheqjen e qeverisë.
Protesta nisi para Ministrisë së Arsimit, ku protestuesit përsëritën thirrjet e tyre për ndryshim.
Gjatë zhvillimit të saj, ndodhi disa incidente, përfshirë djegien e koshave të mbeturinave që shkaktuan zjarr dhe tym në zonën e tubimit.
Më pas, protestuesit u drejtuan në Zogun e Zi, ku bllokuan qarkullimin rrugor.
Gjatë marshimit, disa prej tyre u përpoqën të shkulin kangjellat e trotuareve, ndërsa u dogjën kosha mbeturinash dhe tabela reklamash.
Forcat e policisë ishin të pranishme në terren dhe, përmes megafonëve, kërkuan nga protestuesit të lirojnë rrugët dhe të mos pengojnë qarkullimin e automjeteve.
Marshimi vazhdoi drejt bulevardit “Dëshmorët e Kombit”, përpara Kryeministrisë.
Situata u tensionua më tej pranë godinës së Kryesisë së Kuvendit, ku disa protestues tentuan të thyejnë derën e institucionit.
Në përfundim të tubimit, organizatorët njoftuan se protestat do të vazhdojnë.