Tragjedia në Suharekë: Një person humb jetën pas të shtënave me armë

Një person ka humbur jetën të mërkurën si pasojë e plagëve të marra nga të shtënat me armë zjarri në Suharekë.

Sipas raportit të Policisë së Kosovës, incidenti ka ndodhur pas një konflikti verbal mes dy personave.

I dyshuari dyshohet se ka qëlluar me armë zjarri në drejtim të viktimës, duke i shkaktuar lëndime të rënda trupore.

Viktima është dërguar për trajtim në Spitalin e Prizrenit, ku, rreth orës 13:03, ka ndërruar jetë.

Policia ka arrestuar të dyshuarin, ndërsa gjatë arrestimit i ka konfiskuar një revole me 24 fishekë, si dhe disa gëzhoja.

Njësiti hetuesisë ka bastisur shtëpinë e të dyshuarit, ku ka gjetur dhe konfiskuar 47 fishekë dhe një shumë parash të gatshme.

Me vendim të prokurorit, i dyshuari është dërguar në mbajtje.

Trupi i pajetë është dërguar në Institutin e Mjekësisë Ligjore (IML) për procedurat e mëtejme.

Leave a Reply

Your email address will not be published. Required fields are marked *