Një 39-vjeçar nga Serbia është arrestuar në Pikën e Kalimit Kufitar Tabanoc, pasi sistemi ‘Qyteti i Sigurt’ e kishte evidentuar duke drejtuar automjetin me shpejtësi prej 166 km/h në autostradën Gjevgjeli–Demir Kapi, ku shpejtësia maksimale e lejuar është 80 km/h.
Incidenti ka ndodhur më 15 korrik 2026, ndërsa arrestimi është realizuar më 23 tetor, rreth orës 16:00, në dalje të vendit.
Ky shtetas serb është dërguar në Stacionin Policor të Negotinës, është informuar prokurori publik dhe pas dokumentimit të rastit, ndaj tij do të parashtrohet kallëzim penal për drejtim të pakujdesshëm të automjetit motorik.
