Një 34-vjeçar shqiptar, i kërkuar nga autoritetet italiane që nga viti 2019, është arrestuar në aeroportin e Madridit, pas më shumë se një dekade në arrati.
Ai do të vuajë 6 vjet e 10 muaj burgim për vepra penale të lidhura me trafikun e narkotikëve, si dhe do të paguajë një gjobë prej 64 mijë eurosh, sipas raportimeve nga mediat italiane.
Arrestimi ka ndodhur më 22 tetor 2026, gjatë një kontrolli kufitar në aeroportin Madrid-Barajas, bazuar në një urdhër-arresti evropian.
Operacioni është rezultat i hetimeve të Policisë së Riminit, në bashkëpunim me strukturat qendrore dhe shërbimet ndërkombëtare të bashkëpunimit policor, si pjesë e projektit “Wanted 3”, i cili ka për qëllim kapjen e personave të arratisur edhe jashtë Italisë.
