Sami Lushtaku, kryetari i Komunës së Skenderajt, ka theksuar se nuk ka dëshira për të marrë drejtimin e Partisë Demokratike të Kosovës (PDK), pas dorëheqjes së Bedri Hamzës nga posti i kryetarit të partisë.
Në një lidhje të drejtpërdrejtë telefonike në Debat Plus, Lushtaku shprehu se është i përqendruar në detyrën e tij si kryetar i Komunës dhe se nuk ka pretendime për të udhëhequr PDK-në.
Ai theksoi se një qëllim të tillë nuk e ka pasur as më parë dhe as tani. “Jo.
Asnjëherë as kam pasur dhe as nuk kam aspirata”, tha Lushtaku.
Ai shtoi se ata që flasin në emrin e tij dhe e lidhin me pretendimet për kryetar të PDK-së e kanë gabim.
